إزاي تشغّل أكّد من الصفر

1البداية: الحساب والمنتجات ▶ شوفها في الفيديو (0:19)

1. اعمل حساب من صفحة التسجيل: الاسم واسم البراند والموبايل والإيميل. عندك 14 يوم مجانًا بكل المزايا ومن غير كارت.
2. من المنتجات: ضيف كل منتج بسعر البيع والتكلفة عليك. كده الربح بيتحسب لوحده في كل أوردر.
3. لو عاوز تتابع المخزون: اكتب الكمية المتاحة، و"نبهني لما يوصل" (مثلًا 5). سيب خانة المخزون فاضية لو مش بتتابعه.
4. من الإعدادات: اكتب الشحن الافتراضي اللي بتدفعه لشركة الشحن، ورسوم المرتجع الزيادة لو فيه.

2ربط رقم الواتساب ▶ شوفها في الفيديو (1:00)

الربط هو اللي بيخلّي النظام يبعت رسايل التأكيد والإشعارات ويستقبل ردود العملاء من رقمك.

• بـ QR (الأسهل): من "ربط الرقم" اختار "مسح QR"، ودوس "اعرض كود QR". من موبايلك افتح الواتساب ← الإعدادات ← الأجهزة المرتبطة ← ربط جهاز، وامسح الكود. خلي الموبايل عليه نت.
• الربط الرسمي (WhatsApp Business API): للحجم الكبير وأمان أعلى للرقم. محتاج حساب Meta Business، وتحط Phone number ID و WhatsApp Business Account ID و Access Token و App Secret، وتحط رابط الـ Webhook ورمز التحقق اللي النظام بيديهولك في إعدادات التطبيق على Meta.

3التأكيد التلقائي والرسايل ▶ شوفها في الفيديو (1:33)

1. من التأكيد التلقائي شغّل "تأكيد الأوردرات تلقائي على الواتساب".
2. عدّل رسالة التأكيد لو حابب. المتغيرات زي {الاسم} و{المنتج} و{السعر} و{العنوان} بتتبدل ببيانات كل عميل، والمعاينة بتوريك الشكل النهائي.
3. العميل بيرد: 1 الأوردر يتأكد، 2 يتلغي، 3 النظام يطلب منه العنوان الجديد ويسجله ويأكد. وكمان كلام زي "تمام" أو "ايوه" أو "الغي" بيتفهم.
4. حدد بعد كام ساعة يتبعت تذكير لو ما ردش، وعدد التذكيرات، وبعد آخر تذكير: يتعلّم "ما ردش" عشان تكلمه، أو يتلغي تلقائي.
5. من تبويب إشعارات الشحن: شغّل رسالة لما الأوردر يتشحن (فيها لينك التتبع)، ولما المندوب يطلع، ورسالة شكر بعد الاستلام.
6. في مكتبة الرسايل رسايل جاهزة بالعامية: دوس "استخدمها" وتتحط مكانها.

4تسجيل الأوردرات ومتابعتها ▶ شوفها في الفيديو (2:11)

1. دوس أوردر جديد. تقدر تلصق محادثة العميل والذكاء الاصطناعي يملا الاسم والرقم والعنوان والمنتج، أو تختار المنتج من القايمة والكمية والسعر يتحسبوا.
2. أول ما تكتب الرقم بيظهرلك تاريخه: لو عميل قديم، لو في قائمتك السودا، ولو رفض أو استلم عند بياعين تانيين على شبكة أكّد.
3. كل أوردر بيظهر بدرجة مخاطرة وأسبابها، ومصدره (لينك الطلب، Shopify...) وحالة التأكيد (مستني رد، ما ردش، أكد على الواتساب).
4. زرار السجل بيوريك كل اللي حصل للأوردر ومين عمله، ولينك التتبع تبعته للعميل.
5. لو العميل رفض الاستلام: دوس "رفض الاستلام" واختار السبب، والرقم يتضاف للقائمة السودا.

5لينك الطلب والسلات المتروكة ▶ شوفها في الفيديو (3:09)

1. من لينك الطلب: شغّل اللينك واختار اسمه بالإنجليزي (مثلًا beit-tarha) والمنتجات اللي تظهر.
2. اكتب مصاريف الشحن على العميل، وتقدر تحط سعر مختلف لكل محافظة.
3. شغّل تأكيد الرقم بكود (OTP) لو بتجيلك أوردرات وهمية. الكود بيتبعت SMS لو مفعّل، أو واتساب لو رابط بـ QR.
4. حط Pixel ID بتاع فيسبوك أو تيك توك أو سناب عشان الإعلانات تتعلم من الطلبات.
5. انسخ اللينك وحطه في البايو والإعلانات والستوري. الأوردرات بتتسجل عندك ورسالة التأكيد بتروح لوحدها.
6. شغّل استرجاع السلات المتروكة: اللي كتب رقمه ومكملش بتوصله رسالة تفكّره بعد المدة اللي تحددها.

6الشحن وتتبع العميل ▶ شوفها في الفيديو (3:53)

من الشحن والتحصيل اختار شركتك. فيه نوعين:

شركات مربوطة مباشرة: بوسطة، أرامكس، J&T Express

1. بوسطة: من لوحة بوسطة Settings ← API Integration، انسخ الـ API Key وحطه.
2. أرامكس: اطلب من مدير حسابك: Username وPassword وAccount Number وAccount PIN وAccount Entity (غالبًا CAI)، واكتب عنوان البيك أب.
3. J&T Express: اطلب من مندوب J&T بيانات ربط الـ API: API Account وPrivate Key وCustomer Code وCustomer Password، واكتب عنوان البيك أب.
4. دوس "اختبر الربط" عشان تتأكد إن البيانات صح.
5. من الأوردر المؤكد دوس اشحن واختار الشركة، أو "اشحن كل المؤكد" مرة واحدة. الشحنة بتتعمل على لوحة الشركة ورقمها بيظهر، والبوليصة بتطلع من زرار "بوليصة".
6. الحالة بتتحدث لوحدها: مع المندوب ← اتسلم أو رجع، والعميل بيجيله رسالة ولينك تتبع.

أي شركة تانية: Mylerz، R2S، سبرينت، تربو، البريد، أو مندوبك

1. من تبويب "شركات تانية" فعّل شركتك، ولو عندها صفحة تتبع حط لينكها وحط {n} مكان رقم الشحنة.
2. من تبويب "تحديث من ملف" نزّل الأوردرات المؤكدة في ملف وارفعه على لوحة الشركة من "رفع شحنات بالجملة".
3. لما تشحن أوردر اختار الشركة واكتب رقم الشحنة (أو سيبه).
4. كل يوم نزّل تقرير الشحنات من لوحة الشركة وارفعه في "تحديث الحالات من ملف": النظام يطابق برقم الأوردر أو رقم الشحنة أو الموبايل، ويسجّل أرقام الشحن ويحدّث الحالات (اتسلم، رجع، مع المندوب) مرة واحدة.

7الاستيراد وربط المتاجر ▶ شوفها في الفيديو (4:59)

• من Excel: احفظ الشيت CSV UTF-8 وارفعه من "الاستيراد والمتاجر". الأعمدة بتتعرف لوحدها، راجعها ودوس استورد. الأوردر اللي اتستورد قبل كده مش بيتكرر.
• من Google Sheets: خلي المشاركة "أي حد معاه اللينك يقدر يشوف" والصق اللينك.
• Shopify: Settings ← Notifications ← Webhooks ← Create webhook، Event: Order creation، والرابط من تبويب "ربط المتاجر". ولو عاوز السلات المتروكة: webhook تاني لـ Checkout creation. وحط المفتاح اللي Shopify بتكتبه في الخانة عندنا.
• WooCommerce: Settings ← Advanced ← Webhooks ← Add webhook، Topic: Order created، والرابط من عندنا، ونفس الـ Secret في الطرفين.
• مش محتاج تنزّل أي تطبيق: الربط بيتم بلينك (Webhook) خاص بحسابك بتحطه في إعدادات متجرك، ومن اللحظة دي كل أوردر جديد بيوصل أكّد لوحده.
• EasyOrders: من لوحة EasyOrders: Public API ← Webhooks ← Create Webhook، وحط رابط EasyOrders اللي في أكّد. بعد الحفظ EasyOrders بتطلّع Secret، انسخه وحطه في خانته عندنا.
• أي منصة تانية: استخدم الرابط العام مع Zapier أو Make أو Google Sheets أو موقعك.

8الفريق وتوزيع الأوردرات ▶ شوفها في الفيديو (5:16)

1. من الفريق دوس "ضيف عضو": الاسم والإيميل وكلمة السر والدور.
2. موظف تأكيد: بيشوف الأوردرات المتوزعة عليه (والمش متوزعة) والمحادثات. مدير: كل حاجة ماعدا الاشتراك والربط والفريق.
3. وزّع أوردر من "السجل" ← متوزع على، أو شغّل التوزيع التلقائي بالدور من إعدادات التأكيد التلقائي.
4. جدول الأداء بيوريك لكل واحد: سجّل كام، أكد كام، لغى كام، ونسبة التسليم من الأوردرات اللي معاه.

9التحصيل والمرتجعات والمخزون ▶ شوفها في الفيديو (5:39)

1. لما يوصلك كشف التحصيل من شركة الشحن، احفظه CSV وارفعه من الشحن والتحصيل ← مطابقة كشف التحصيل.
2. اتأكد من الأعمدة (رقم الشحنة أو رقم الأوردر، والمبلغ المحصّل) ودوس "طابق".
3. هتشوف كل صف: تمام، فرق في المبلغ، مش لاقي الأوردر، أو متحصّل قبل كده. دوس "سجّل التحصيل" والأوردرات تتعلّم إن فلوسها وصلت.
4. صفحة المرتجعات فيها أسباب الرفض والمنتجات الأكتر رجوع وخسارة الشحن. ومن أي أوردر اتسلم تقدر تعمل استبدال بأوردر جديد مرتبط بيه.

10الحملات والشات بوت والمحادثات ▶ شوفها في الفيديو (6:00)

• الحملات: اختار الجمهور (كل العملاء، اللي استلموا، المتكررين، اللي ما طلبوش من 30 يوم)، واكتب الرسالة أو اختار قالب، وحدد ميعاد البدء وساعات الإرسال والسرعة.
• الشات بوت: اختار نوع نشاطك واللهجة، واكتب معلومات الشحن والدفع والاستبدال والأسئلة المتكررة، وجرّبه في "جرّب البوت" قبل ما تشغّله. بيأكد الأوردرات المستنية ويسجّل أوردر جديد لو العميل بعت كل بياناته.
• المحادثات: كل رسايل العملاء في مكان واحد، وتقدر توقف البوت لعميل معين وترد إنت.
• إنستجرام وماسنجر: من "API والربط" حط Page ID و Page Access Token و App Secret، وحط رابط الـ Webhook في تطبيقك على Meta، والرسايل هتظهر في المحادثات.

11التقارير والأمان والاشتراك ▶ شوفها في الفيديو (6:27)

• الرئيسية: صافي الربح الحقيقي، نسبة الرفض والتأكيد، الفلوس اللي عند شركة الشحن، ومتابعة التأكيد التلقائي، والرفض حسب المحافظة والمنتج، وتحليل الذكاء الاصطناعي.
• التحقق بخطوتين: من الإعدادات ← الأمان، امسح الكود بـ Google Authenticator، واحفظ الأكواد الاحتياطية في مكان آمن.
• الاشتراك: من "الاشتراك" اختار الباقة شهري أو سنوي (شهرين هدية) وادفع بالكارت أو المحافظ.

12للمطورين: API و Webhooks

• من "API والربط" اعمل مفتاح API، وابعته في هيدر Authorization: Bearer akk_....
• تقدر تجيب الأوردرات وتضيف أوردر وتغيّر حالته من public_api.php (الأمثلة في نفس الصفحة).
• حط رابط Webhook وهيوصلك POST مع كل أوردر جديد وكل تغيير حالة، موقّع بـ X-Akked-Signature.

لسه عندك سؤال؟

جرّب بنفسك 14 يوم مجانًا، ولو وقفت في أي خطوة كلمنا.